TIRANE– Një stuhi shumë e fortë ere, shiu dhe breshëri përfshiu sot Tiranën, duke rrëzuar edhe disa pemë, e kufizuar qarkullimin e trafikut. Stuhia ka vijuar për më shumë se një orë, duke lënë pas pemë të rrëzuara. Nisur nga situata e krijuar, punonjësit e Bashkisë së Tiranës kanë ndërhyrë në mënyrë të shpejtë për të shmangur problematikat e mëdha.
Për shkak të ujit që kishte vërshuar në rrugë dhe dëmeve të shkaktuara nga stuhia, forcat e zjarrfikëses së kryeqytetit, Policisë Bashkiake dhe ndërmarrjes nr.1 dhe nr.2 të qytetit dolën menjëherë në terren, dhe aktualisht po punojnë për heqjen e pemëve të rrëzuara nga era e fortë.
“Stuhia e rrëmbyeshme la pasoja në disa akse rrugore! Skuadrat janë në terren për të bërë evadimet! Ju lutem kujdes në trafik gjer sa të jenë pastruar gjithë akset! Të gjitha pemët e dëmtuara do rimbillen!”, ka shkruar kryebashkiaku Veliaj në rrjetin social “Twitter”.
(BalkanWeb)