Prej pak ditësh në Rusi kanë nisur të mbërrijnë kombëtaret të cilat do të marrin pjesë në Botëror. Të dielën ishte radha e Egjiptit që u prit me entuziazëm nga shumë tifozë.


Pati nga ata të cilët nuk mund t’i rezistonin një ‘selfie’ me yllin e skuadrës, Mohamed Salah. Sapo ai po zbriste nga autobuzi njëri prej tyre iu afrua futbollistit që luan me Liverpool, i cili ashtu siç pritej nuk refuzoi për t’i plotësuar dëshirën tifozit.


Ky i fundit teksa mundohej të shkrepte foton i vendosi dorën në shpatull, por siç shihet nga video kjo i ka shkaktuar dhimbje Salah, i cili vijon të jetë në fazë rikuperimi që pas dëmtimit në finalen e “Champions League” nga Sergio Ramos.


Reagimi i egjiptianit ka alarmuar bashkëkombësit e tij të cilët presin që ai të udhëheqë kombëtaren në Botëror. Me siguri Salah nuk do të zbresë në fushë ndeshjen e parë, e cila luhet pas 4 ditësh, konkretisht të premten kundër Uruguait.

(e.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb