Zëdhënësi i Vladimir Putin, Dmitri Peskov, ka thënë se është ende herët të flitet për mbajtjen e një samite mes Presidentit Vladimir Putin dhe Presidentit amerikan Joe Biden.

Peskov tha se Putin dhe Biden mund të takohen nëse e konsiderojnë të nevojshme, por theksoi se “është e parakohshme të flitet për plane specifike për një samit” dhe nuk ka asgjë konkrete.
Më herët, zyra e Emmanuel Macron tha se presidenti rus kishte rënë dakord në parim për të marrë pjesë në një samit me Joe Biden që synon të zgjidhë krizën në Ukrainë , mes paralajmërimeve të mëtejshme të SHBA se lufta është e afërt.

Peskov gjithashtu e përshkroi situatën në rajonin e Donbasit të Ukrainës si “jashtëzakonisht të tensionuar”, duke shtuar se Putini do t’i drejtohej së shpejti Këshillit të Sigurimit të Rusisë.

Sipas agjencisë së lajmeve Tass, ai tha:

“Situata është vërtet jashtëzakonisht e tensionuar dhe deri më tani nuk shohim shenja të uljes së nivelit të tensionit. Provokimet dhe granatimet po bëhen gjithnjë e më intensive, sigurisht që kjo shkakton shqetësim shumë të thellë”.

Pavarësisht pretendimeve të përsëritura ruse, gazetarët në terren nuk kanë parë asnjë provë të granatimeve nga forcat ukrainase ndaj popullatës lokale.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb