Kryeministri britanik, Boris Johnson e pranon se Afganistani së shpejti do të ketë një qeveri apo periudhë të re politike me kontrollin e talebanëve.

Johnson thotë se detyra e perëndimit tashmë është të bashkohet dhe të sigurojë që Afganistani nuk do të jetë më një terren ushqimi për rritjen e terrorizmit, siç ka qenë dikur.

“Unë mendoj se është shumë e rëndësishme që perëndimi, kolektivisht, të punojë së bashku për t’iu bashkuar asaj qeverie të re, qoftë nga talebanët apo kushdo tjetër, pasi askush nuk dëshiron që Afganistani të jetë përsëri një terren ushqimor për terrorizmin.’’- tha Johnson.

Ai thekson se askush nuk do të njohë talebanët, por perëndimi duhet të ketë një qëndrim të unifikuar përballë tyre.

“Ne nuk duam që askush të njohë talibanët në mënyrë bilaterale, ne duam një pozicion të bashkuar mes të gjithë të njëjtëve mendime, për aq sa mund të marrim një,” shtoi ai.

Deri më tani ndërkombëtarët kanë qenë të fokusuar në evakuimin e stafeve të ambasadave dhe diplomatëve pasi Kabuli është një zonë e pasigurt e uzurpuar nga talebanë të armatosur.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb