Gjashtë pacientë të infektuar me Covid-19 raportohet se kanë humbur jetën në spital në Jordani si pasojë e mungesës së oksigjenit.
Skandali u pasua me largimin e ministrit të Shëndetësisë, ndërsa ngjarja ka shkaktuar zemërim.
Mediat e huaja shkruajnë se kryeministri i vendit Bisher al-Khasawneh i kërkoi ministrit të Shëndetësisë Nathir Obeidat që të tërhiqej pas kësaj ngjarje, ndërsa ky i fundit u shpreh se ndjente përgjegjësi morale për atë që ndodhi
Pas ngjarjes, me dhjetëra të afërm të pacientëve që humbën jetën u mblodhën të revoltuar përpara spitalit, ndërsa për të shmangur incidentet, forcat policore shkuan në vendngjarje.
Nuk është e qartë përse oksigjeni u ndërpre, por për këtë ngjarje ka nisur një hetim.