Pas korrupsionit të rëndë, Parlamenti Evropian ka vendosur të rishqyrtojë udhëtimet e padeklaruara nga ligjvënësit dhe pjesët e legjislacionit që mund të jenë ndikuar në mënyrë të padrejtë si rezultat i skemës së supozuar të favoreve.
Ngjarja shkaktoi një stuhi politike në të gjithë Brukselin dhe më gjerë, ndërsa lajmi u bë i ditur nga presidentja Roberta Metsola.
Në një intervistë për Euronewsm Metsola u shpreh se: “Ne po shqyrtojmë gjithçka. Po shqyrtojmë udhëtimet që janë miratuar, ato që nuk janë deklaruar. Po shohim procesin e paraqitjes së amendamenteve, afateve kohore, mënyrën se si negociohen rezolutat.”
Hetimi i nisur nga autoritetet belge ka hedhur dritë mbi punën e kaluar legjislative, duke përfshirë një votim të komisionit në fillim të dhjetorit që miratoi liberalizimin e vizave për Katarin dhe Kuvajtin, si dhe një sërë vizitash me pagesë të ligjvënësve të shumtë evropianë në rajonin e Gjirit.
Këmbanat e alarmit në “sferat e mundshme të ndikimit duhet të fillojnë të bien më herët”, ka theksuar më tej Mesola.
Zbulimet e fundit e kanë zgjeruar në mënyrë të konsiderueshme fushën e hetimit, duke përfshirë potencialisht dy eurodeputetë të tjerë nga grupi socialist, Marc Tarabella dhe Andrea Cozzolino, si dhe zyrtarë të inteligjencës dhe diplomatikë nga Maroku.
Si Katari ashtu edhe Maroku i kanë kundërshtuar fuqishëm pretendimet.
Një tjetër eurodeputete socialiste, Maria Arena, e cila nuk është akuzuar dhe as arrestuar, dha dorëheqjen këtë javë nga posti i saj si kryetare e nënkomisionit parlamentar për të drejtat e njeriut, por që janë mohuar nga ana e tyre.
(BalkanWeb)