Dosja e 7 policëve të pezulluar për zbulimin e një skeme gjobash ndaj automjeteve në Korçë. Gazetarja Lorena Kodra raporton për BalkanWeb se pas Prokurorisë së Korçës, edhe Gjykata ka shpallur moskompetencën për çështjen duke ia kaluar SPAK-ut.
Ditën e djeshme janë dhënë masat në ngarkim të efektivëve të Policisë të cilët akuzohen për shpërdorim detyre.
Ndërkohë, mes policëve është dhe ish- shefi i qarkullimit në Policinë e Korçës, i cili u shkarkua prej kësaj skeme.
Policët ishin pjesë e komisionit të gjobave, ku lironin automjetet e bllokuara në rrethin e Korçës kundrejt pagesave nga qytetarët.
(BalkanWeb)