“Shqipëria dhe Kosova janë shumë më lartë dhe shumë më pozitiv në rankimin e këtij raporti, në krahasim me vendet e tjera të rajonit që deri dje kanë qenë më mirë se ne”. Kështu deklaron ish-deputeti i Partisë Socialiste, Alfred Peza në lidhje me raportin e Reporterëve pa kufij, ku Shqipëria renditet e 84-ta në 180 vende të botës në Indeksin e Lirisë së Medias për 2020.
Në një intervistë për emisionin ‘Real Story’ në ‘News24’ Peza tha se pavarësisht se Shqipëria vite më parë ishte 20 shkallë më keq, askush nuk ndalet të komentojë këtë, pasi fokusi duhet të ndalet tek pandemia. Duke u ndalur tek situata që po kalon vendi, socialisti Peza tha se nuk ka ndodhur asnjëherë më parë që kjo çështje iu është lënë në dorë ekspertëve të fushës, madje edhe dalja nëpër media.
“Në 2012 Shqipëria ishte 20 shkallë më keq. Por nuk si hyjmë këtyre diskutimeve, por se si duhet të jemi dhe çfarë duhet të bëjmë. Duhet të fokusohemi tek pandeminë. Në të gjitha studiot televizive, çdo mbrëmje, dalin ekspertët. Është hera e parë pas 3 muajsh që dal në tv. Nuk e konsideroj ekspert veten të asaj fushe dhe u takon mjekëve. Kjo ka ndodhur si asnjëherë më parë. S’kemi pasur kurrë në media, prani kaq të madhe të ekspertëve të fushës për të trajtuar këtë çështje. Ajo çka ka thënë kryeministri, në dijeninë time është; “mos i besoni fake news që mund të përhapin përmes mediave”, dhe jo të gjithë gazetarëve. Në komunikimin politik, po ta shihni komunikimin publik në lidhje me çështjen e pandemisë, raporti ka qenë me ministrat e linjës. Për çështjen e shëndetësisë, me ministren e Shëndetësisë, për financat me atë të financave. Mendoj se kjo është pjesë që nëse merret dhe trajtohet gjithmonë edhe më pozitivisht ndonjë raport të komunikimit publik. Një gjë është e sigurt se ky raport pavarësisht 1 apo dy shkallë më lart apo posht, një gjë ka rëndësi se Shqipëria dhe Kosova bashkë janë shumë më lartë dhe shumë më pozitiv në rankimin e këtij raporti, në krahasim me vendet e tjera të rajonit që deri dje kanë qenë më mirë se ne, përfshi Maqedoninë e Veriut, Serbinë. kjo nuk tregon se i kemi zgjidhur të gjithë problemet, por është sinjal pozitiv dhe ka gjëra që mund të eliminohen”, tha Peza.
(BalkanWeb)
