Merr fund eksperienca e Skënder Gegës në pankinën e Skënderbeut. Trajneri ka vendosur që të mos vazhdojë bashkëpunimin me klubin korçar dhe këtë e ka zyrtarizuar sot edhe para skuadrës.

  • foto galeri

Skënderbeu ra matematikisht nga Superiorja pas ndeshjeve të së hënës dhe në sezonin e ardhshëm do të garojë në Kategorinë e Parë. Një situatë e cila sigurisht që vuri menjëherë në dyshim qëndrimin apo jo të Gegës, i cili kishte pranuar detyrën pikërisht me objektivin për të shpëtuar korçarët.

  • foto galeri

Sot, tekniku ka dalë në stërvitje me skuadrën dhe “Panorama Sport: mëson se aty u ka komunikuar personalisht lojtarëve se do të largohej nga drejtimi i Skënderbeut menjëherë, pa pritur fundit e sezonit, siç kishte rënë dakord edhe me presidentin Takaj. Priret që në tre javët e mbetura të kampionatit, skuadrën korçare ta drejtojë Gentian Liçi, i cili prej shumë vitesh ka qenë zëvendëstrajner në këtë klub.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: