Pashkët sollën festë në qytetin e Korçës, Skënderbeu u rikthye tek fitorja dhe këtë e bëri pikërisht në momentin më të rëndësishëm të sezonit, përballë një rivali direkt si Flamurtari. Ai trepikësh i kthehen dhe një herë në garë për të siguruar një vend në kupat e europës, një objektiv që korçarët dëshirojnë ti shkojnë deri në fund në pritje të vendimit përfundimtarë nga KAS.
Këtë fundjavë udhëtojnë drejt kryeqytetit ku i pret Tirana, një skuadër gjithashtu e etur për pikë. Interesant është fakti që Skënderbeu nuk ka fituar asnjë përballje këtë sezon kundrejt bardhebluve, 2 barazime dhe një fitore për Tiranën e ardhur pikërisht në Korçë. Statistikat janë gjëja e fundit që shqetëson trajnerin Shehi në këto momente.
Si gjithnjë, gjatë këtij sezoni, Shehi e ka pasur shumë të vështirë të zgjedh, shpesh për shkak dëmtimesh e shpesh për shkak kartonësh nuk e ka pasur thuajse kurrë në dispozicion grupin e plotë. Në këtë sfidë duhet të bëjë llogaritë pa dy lojtarë titullarë shumë të rëndësishëm si Marko Radas dhe Bruno Dita, të dy të pezulluar për shkak kartonësh.
(BalkanWeb)
