Të paktën shtatë civilë u vranë dhe gjashtë u plagosën në rajonin e Donetskut të Ukrainës nga sulmet ruse të martën, tha guvernatori rajonal Pavlo Kyrylenko, raporton BBC.

Në një postim në platformën e mediave sociale Telegram, ai tha se dy persona kishin vdekur në Bakhmutske, dy në Bakhmut, një në Avdiivka, një në Drobysheve dhe një në Soledar.

Ai shtoi se numri i viktimave në Mariupol dhe Volnovakha mbetet i panjohur.

BBC nuk ka qenë në gjendje të verifikojë në mënyrë të pavarur këto pretendime.

Donetsk është pjesë e rajonit lindor të Donbasit ku Rusia po fokuson forcat e saj.

Pjesa më e madhe e Donbasit ishte tashmë e kontrolluar nga separatistët e mbështetur nga Rusia përpara pushtimit të Ukrainës.

Burimi: BBC

(BalkanWeb)