Mbrëmja e djeshme do të hyjë në historinë e klubit italian të Romës, pasi verdhekuqtë arritën të mposhtin Feynoord në stadiumin “Air Albania”, për të fituar trofeun e Conference League.
Përveç hyrjes së tyre në histori si i pari ekip që e fiton këtë kompeticion të krijuar rishtazhi nga UEFA, edhe tekniku portugez Jose Mourinho e shkroi emrin me gërma të arta pasi bëhet i pari që fiton të gjithë trofetë e mundshëm europian në nivel klubesh.
Ndërkohë, festa e nisur në dhomat e zhveshjes në Tiranë ka vazhduar gjatë për ujkonjat e Romës, teksa në Trigoria futbollistët kanë pozuar me trofeun dhe kanë shuar etjen me alkool.
Pak orë pas paradës në autobusin e hapur në kryeqytetin italian, golashënuesi Nicolò Zaniolo i ka mahnitur të gjithë me hyrjen e tij klasike në qendrën stërvitore me një motor Vespa.
https://www.youtube.com/watch?v=b906jMHeSzY
I ulur pas trajnerit atletik të Romës Stefano Rapetti, fituesi i ndeshjes së Tiranës e lë veten të tërhiqet duke shuar etjen me shampanjë. Vespa mban targën klasike JM dhe mund ta cilësojmë me plot gojë “Vespa Special One”.