Ambasadori i Bashkimit Evropian në Tiranë, Luigi Soreca, ka zhvilluar sot një takim me kreun e Këshillit të Emërimeve në Drejtësi, Ardian Dvorani.
Takimi është bërë i ditur nga vetë kryediplomati i BE, i cili shkruan në “Twitter” se është thelbësore që Gjykata e Lartë të jetë funksionale sa më shpejt të jetë e mundur.
“Sot takova kryetarin e Këshillit të Emërimeve në Drejtësi, Ardian Dvorani, për t’u njohur me etapat përfundimtare të punës së Këshillit për përzgjedhjen e kandidatëve për Gjykatën Kushtetuese dhe Inspektoratin e Lartë të Drejtësisë.
Është thelbësore që Gjykata e Lartë të jetë funksionale në kohen më të shkurtër të mundshme”, shkruan ambasadori Soreca.