Ish-deputeti demokrat, Bardh Spahia, ka vijuar akuzat ndaj kryebashkiakut të ri të Shkodrës, Valdrin Pjetri.

Ish-deputeti Spahia shkruan në “Facebook” se përveç të shkuarës së errët në Itali, Pjetri ka edhe një problem tjetër, që lidhet me punën e tij si prefekt.

Sipas Spahisë, ai nuk flet dot për abuzime të bashkisë, pasi vendimet (abuzive apo jo) sipas ligjit konfirmohen nga prefekti.

“DINJITETIN NUK TA JEP PUSHTETI! Figura e kujt pretendon te jete qytetari i pare i Shkodres eshte padyshim interes i cdo qytetari shkodran, i majte apo i djathte. Refuzimi i nje pretendenti te tille, me nje te shkuar te erret ne Itali, te cilen fillimisht e fsheh, e pastaj kur i zbulohet, nuk arrin ta justifikoje, por struket pas fuqise se pushtetit, qe mbron te ngjashmit e tij, eshte nje detyrim qytetar i cdo shkodrani, i majte apo i djathte.

Papergjegjshmeria qe e detyron te shmange transparencen, duke perdorur klishe te lodhura, vecse fut ne siklet ate 5% qe e votoi ne 30 qershor. Pervec te shkuares se erret, duket se ka edhe nje tjeter problem: si ish prefekt, nuk flet dot ne ajer per abuzime te bashkise, pasi vendimet (abuzive apo jo) sipas ligjit shumica konfirmohen nga prefekti, si gjithmone, perfaqesues i partise ne pushtet! As si perfaqesues i nje mazhorance e i nje kryeministri qe nuk ka lene vegel te ketij pushteti pa perdorur kunder Shkodres dhe bashkise se saj.

Nje figure me te kaluar te erret eshte padyshim e keqja e Shkodres, dhe abuzimi me fuqine e pushtetit vecse diskretiton edhe me thelle ate vete dhe PS qe vazhdon te kandidoje individe me probleme! Pretendenti ne Shkoder thjesht po tregon devotshmeri, si pjese e te njejtit karvan te erret, qe koha e ka treguar se nuk shkon dot larg! #ShkodraDoNjerezDinjitozeJoSejmeneTeKapur”, shkruan Spahia.

  • foto galeri

(d.ç./BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb