Një shpërthim i fuqishëm, shkaku i së cilës mbetet ende i panjohur, shkatërroi pjesërisht një ndërtesë në qendër të Madridit rreth orës tre të pasdites. Lajmin e bëjnë me dije mediat spanjolle. Të paktën tre persona kanë humbur jetën.
Shpërthimi i fuqishëm përfshiu tre katet e sipërme të godinës, në zonën e Calle de Toledo. Sipas burimeve policore të cituara nga Efe, zona është evakuuar dhe izoluar.
Una fuerte explosión ha volado por los aires un edificio de la calle Toledo, en el centro de Madrid. El inmueble, situado junto a una residencia, es propiedad de la parroquia de La Paloma https://t.co/qQj4QVET6f pic.twitter.com/L9DA6ssx2Y
— EL PAÍS (@el_pais) January 20, 2021
Në vendngjarje ndodhen forcat zjarrfikëse dhe ato të ndihmës së shpejtë. Sipas asaj që shkruan El Mundo shpërthimi mund të jetë shkaktuar nga një rrjedhje gazi. Ndërkohë, në këtë zonë, ku ndodhet një shtëpi për të moshuar dhe një shkollë, forcat zjarrfikëse janë duke evakuuar banorët. Tymi dhe rrënojat kanë mbuluar zonën, sipas pamjeve të publikuara nga mediat spanjolle.
