Ministrja e Shtetit dhe Marrëdhënieve me Parlamentin, Elisa Spiropali, gjatë fjalës së saj në seancën plenare të ditës së sotme, u ndal tek situata ekonomike në vend dhe masat e marra nga qeveria në përballimin e pasojave të pandemisë.

Spiropali u shpreh se sipas të dhënave nga Banka Botërore për Ballkanin, gjatë vitit 2020 në rajon humbën vendin e punës 139 mijë persona. Kjo krizë sipas saj goditi dhe Shqipërinë, ku 48 mijë qytetarë ngelën të papunë, të cilët sot fal politikave të qeverisë e kanë rifituar punësimin e tyre.

Gjithashtu Spiropali theksoi se politikat ekonomike të qeverisë kanë qenë për të mbrojtur nga goditja e krizës kategoritë më vulnerabël, si punëtorët, biznesin e vogël dhe njerëzit në nevojë dhe jo ata që kanë llogaritë bankare plot, ose siç ajo i cilësoi sipas zhargonit popullor “ata që kanë dhjamë”.

“Kur në konferencën e kryetarëve vendosëm bashkarisht se ora e diskutimeve do të jetë 360 minuta plotë 6 orë, besoj se ramë dakord dhe patëm një konsensus për këtë. Por edhe nëse po e marrim të mirëqënë, ju keni kërkuar më shumë kohë, fakti që kjo sallë është boshë nga të dyja krahët tregon që ka qenë një kërkesë e sforcuar që nuk bazohet në seriozitetin e diskutimeve në këtë seancë.

E them këtë jo vetëm për ju, por në përgjithësi. Është e tepruar koha 6 orë pasi do të duhej këtu shkurt e saktë e mirë të diskutonim për faktet edhe për rendin e ditës. Nuk iu referua askush nga opozita faktit që Shqipëria ka dal sot nga tuneli i krizës së pandemisë. Ky duhet të jetë një lajm i mirë për të gjithë. 2020 ishte një vit i errët, humbëm shumë shqiptarë të mirë, miq të afërm dhe të njohur. Shumë familje humbën të ardhurat, shumë njerëz humbën punën dhe shpresën. Ekonomia u tkurr me mbi 4%. Studimi i Bankës Botërore thekson se Covid-19 e zhyti Ballkanin në një recesion të thellë. Shqipëria nuk bëri përjashtim.

Sipas Bankës botërore që nga fillimi i krizës 139 mijë vende pune u humbën në të gjithë rajonin. Patjetër që kriza prekur dhe Shqipërinë. Këtu për pak muaj u humbën 48 mijë vende pune të cilat fatmirësisht sipas të njëjtave raporte verifikojnë që janë fituar të gjitha. Nuk kanë rënë nga qielli, por masat dhe veprimet energjike të qeverisë, duke përfshirë edhe ne këtu se kemi kaluar disa akte të rëndësishme, kanë bërë të mundur që ne ta përballojmë këtë situatë. Nuk presim as nga kjo foltorja as nga ajo tjetra të thotë gjëra që ne nuk i dimë, ndoshta i dimë më mirë se ju. Ndoshta kur ju jeni duke u zënë se kush do jetë më radikal dhe kush do jetë armiku më i madhi Edi Ramës, ne jemi duke u marr në fakt me armikun e vërtetë që është kriza e shkaktuar nga Covid-19, që i bashkangjitet dhe një krizë tjetër ajo e tërmetit.

Goditja ka ka qenë e fortë por nuk i godet të gjithë njësoj. Nuk godet njësoj ata që kanë biznes të madh, ata që kanë shumë para në bankë, ose dhjamë siç thuhet në zhargonin popullor, por sigurisht godet punëtorët, godet bizneset e vogla, godet njerëzit në nevojë, të cilëve u kemi ardhur në ndihmë me stimuj fiskal, me paketa ekonomike, me garanci sovrane, me injektimin në ekonomi të programeve të rindërtimit dhe investimeve publike”, tha Spiropali.

Fjala e plote:  

Kur në Konferencën e Kryetarëve vendosëm bashkarisht që ora e diskutimeve do jetë 360 minuta, pra plot gjashtë orë, besoj se ramë dakord dhe patëm një konsensus për këtë, por edhe në rast se e marrim të mirëqënë –  ju keni kërkuar më shumë kohë,- fakti që kjo sallë është bosh nga të dyja krahët,  tregon që ka qënë një kërkesë e sforcuar që nuk bazohet as në seriozitetin e diskutimeve në këtë seancë. E them këtë pa veçuar ju, por në tërësi. Mendoj se është e tepruar edhe koha gjashtë orë sepse do duhej të diskutonim këtu shkurt, saktë dhe mirë për faktet dhe për rendin e ditës.

Nuk ju referua askush nga opozita faktit që Shqipëria ka dalë nga tuneli i krizës së shkaktuar nga Covid-19. Ky duhet të jetë një lajm i mirë për të gjithë, pavarësisht anëve ku ulemi. 2020-ta ishte një vit i errët, humbëm shumë shqiptarë të mirë, miq, të afërm dhe të njohur. Shumë familje humbën të ardhurat, shume familje humbën punën dhe shpresën. Ekonomia u tkurr me mbi 4%. Studimi i Bankës Botërore për Ballkanin Peëndimor  thekson se në 2020, Covid-19, e zhyti rajonin në një recesion të thellë. Shqipëria nuk bëri përjashtim.

Që nga fillimi i krizës, sipas Bankës Botërore, 139 mijë vende pune u humbën dhe midis 165 mijë dhe 336 mijë njerëz ranë në varfëri në të gjithë rajonin tonë. Pafyshim që kriza preku edhe Shqipërinë, ku në pak muaj u humbën 48 mijë vende pune të cilat fatmirësisht, po të njëjtat raporte, edhe FMN edhe BB e INSTAT verifikojnë sot që janë rifituar të gjitha. Sigurisht që nuk kanë rënë nga qielli, por masat dhe veprimet energjike të qeverisë dhe të të gjithëve bashkë, -se kemi kaluar këtu bashkarisht disa akte të rëndëishme dhe projektligje- ka bërë të mundur që ne ta përballojmë këtë situatë që nuk është aspak rozë.

Nuk presim as nga kjo foltore as nga ajo tjetra të thotë gjëra që në nuk i dimë. I dimë dhe i dimë më mirë edhe se ju sepse ndërkohë që ju jeni të zënë duke bërë konkurrencë me njeri-tjetrin se kush do jetë më radikal,  kush do shajë më shumë dhe kush është armiku më i madh i Edi Ramës, ne jemi duke u marrë në fakt me armikun e vërtetë, që është kriza e shkaktuar nga Covid-19 e cila i bashkëngjitet një krize që u shkaktua nga tërmeti.

Armiku ndryshon. Për ju armiku jemi ne, për ne, ju nuk jeni armiq. Armiku jonë është kriza e shkaktuar nga Covid-19 dhe tërmeti, është pamundësia e shumë shqiptarëve dhe është goditja që ka marrë ekonomia, situatë të cilën e kemi përballuar dhe do rendis më poshtë edhe disa nga mjetet që janë përdorur me efikasitet.

Goditja sigurisht ka qënë e fortë, por nuk i godet të gjithë njësoj. Nuk godet njësoj ata që kanë biznes të madh, apo ata që kanë shumë kursime në bankë, apo dhjam siç quhet në zhargonin popullor, por sigurisht që godet punëtorët, godet bizneset e vogla, godet njerëzit me ndihmë ekonomike, godet njerëzit që jetojnë në margjinat e shoqërisë dhe këtyre u kemi ardhur në ndihmë më stimuj fiskal, me paketa ekonomike, me garanci sovrane, me injektimin në ekonomi të programit të rindërtimit e investimeve publike.

Ju thoni, pse ndërtoni ju ujësjellësa në kohë krize, pse ndërtoni rrugë, pse investoni në infrastrukturë, pse investoni në shkolla. Po dini ju ndonjë mënyrë tjetër se si të injektosh në ekonomi energji të reja prodhuese, përveçse të bësh investime publike?!

FMN-ja, jo më larg se para dy ditësh, deklaroi se rritja ekonomike e Shqipërisë parashikohet të jetë  këtë vit nga 7.6%-7.8%, ndryshe nga vlerësimi fillestar që ishte 5.5%. Është një rrijte e konsiderueshme.

FMN deklaron se ekonomia shqiptare ka shfaqur qëndrueshmëri të konsiderueshme në atë që quhet  ‘Resilience’.  Politikat e ndjekura- theksohet vazhdimisht- kanë luajtur rol kritik, duke i hapur rrugë rimëkëmbjes së vendit.

Pas vitit të vështirë 2020, aktiviteti ekonomik po ngrihet vrullshëm, thekson raporti. Këto politika monetare dhe fiskale, -pra edhe Aktet Normative janë pjesë të këtyre politikave-, prodhimi i lartë i energjisë falë kushteve të favorshme të motit në pjesën e parë të vitit, sezoni turistik relativisht i mirë, rindërtimi dhe investimet e tjera publike kanë luajtur rolin kryesor për t’i dhënë ekonomisë këtë qëndrueshmëri, këtë rezistencë duke bërë të mundur ringritjen.

Inflacioni bazë deri më tani ka mbetur i qëndrueshëm dhe presionet inflacioniste të ulëta, po ashtu vendet e punës janë rikuperuar. Është e vështirë për një familje që ka vetëm ato të ardhura, të humbi vendin e punës, shumë  e rëndë se nje biznes i madh që mund të ketë mundësi të ringrihet. Dhe paketat tona ekonomike,  paga e luftës si dhe mbështetja sovrane për bizneset që të mbajnë të punësuarit, kanë qënë pikërisht politikë për të berë të mundur këtë që shohim sot : Një rritje më të lartë edhe seç ishte parashikimi, pra nga 7.5%-7.8%, dhe mund të shkojë deri në 8%.

Po a është e mjaftueshme kjo për të luftuar varfërinë më të gjitha degëzimet e saj, me të gjitha pasojat  e saj të rënda?

JO!

Por nuk dëgjova njëherë sot këtu nga kryetari i opozitës, nga kjo foltore, lërë atë foltoren tjetër, se ajo është për studim sociologjik, është shumë interesante, nuk mund të diskutohet sot këtu vetëm me nje fjalim, po nuk dëgjova të flitej për vaksinimin.

Ç’rol ka luajtur vaksinimi i popullatës dhe fakti që vaksinat janë gjetur në kohë rekord, në përballimin e krizës ekonomike. Shëndeti i popullatës është i lidhur pazgjidhshmërisht me shëndetin ekonomik të vendit. Sa më parë të bëhet zap pandemia përmes vaksinimit aq më e shpejtë është rimëkëmbja ekonomike.

Edhe ky Akt Normativ i buxhetit sot që është kthyer nga Presidenti, padyshim i shërben qëllimit për përballimin e fatktqësive, edhe krizave edhe rimëkëmbjes ekonomikë të vendit. Dhe me pak shifra, Strategjia Kombëtare e vaksinimit, parashikon dhe ka vendosur si objektiv vaksinimin e 2.2 milionë qytetarëve, për të cilët nevojiten 4.4 mln doza vaksine. Ky është objektivi!

Qeveria deri më sot ka nënshkruar kontrata për sigurimin e 2.9 milionë dozave, ka alokuar për këtë qëllim 3 miliardë lekë, por për të mbuluar nevojat e vitit 2021, sipas këtij plani që ne kemi miratuar, e cila është strategjia më e mirë për të luftuar pandeminë, por edhe humbjet në ekonomi, kërkojmë një fond shtesë prej 1.1 milionë dozash të reja- 1 milardë lekë, për të bërë pikërisht këtë, që financimi i fushatës së vaksinimit të kapi shifrën 4 mld lekë dhe ne të bëjmë të mundur të kemi 4.4 milionë doza për 2.2 milionë qytetarë.

I bëjmë thirrje të gjithë qytetarëve të shkojnë të vaksinohen. Të mos dëgjojnë të marrët nëpër ekrane që nuk e di si lejohen sepse dëmtohjne rëndë popullatën

Por është e rëndësishme t’i bashkohemi përpjekjes së autoriteteve shtetërore dhe mjekëve në këtë luftë të përbashkët.

Akti Normativ ka në plan edhe qiratë e tërmetit sepse nuk i kemi ndërtuar dot të gjitha shtëpitë dhe apartamentet që janë parashikuar, ama kemi plan t’i ndërtojmë të gjitha shtëpitë deri në fund të vitit 2022. Qytetarët duhet të vijojnë të marrin qiratë e tyre sipas planifikimit që është bërë, pra 1.5 mld.

Këto janë çështjet për të cilat flasim në në foltoret tona, në qeveri dhe në Kuvend dhe Nuk kemi ndërmend të biem pre e asnjë foltorje, qoftë asaj interesantes që është për studim sociologjik sot kësaj që doli sot nga çdo kod etik.

 

 

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb