SERBI- Nënkryetari i Partisë Progresive Serbe (SNS), Nebojsha Stefanoviç, ka thënë dje se Qeverisë së Serbisë as që i shkon ndërmend që ta njohë pavarësinë e Kosovës. Ai ka shtuar shteti serb dëshiron marrëdhënie të mira me Shqiptarët, por jo në dëm të interesave kombëtare.
Stefanoviç, në një deklaratë për B92, pas kremtimit të 7 vjetorit të themelimit të SNS-së, ka kujtuar fjalët e kryeministrit serb, Aleksandër Vuçiq, se dëshirojmë të ndërtojmë marrëdhënie të mira me shqiptarët, por jo në dëm të interesave kombëtare të Serbisë.
“Nuk na shkon fare ndërmend që ta njohim pavarësinë e Kosovës. Dëshirojmë të bisedojmë rreth asaj se si serbët dhe shqiptarët të jetojnë më mirë, të kenë më shumë vende pune, si të ruajmë trashëgiminë kulturore serbe në Kosovë e Metohi… dhe këto janë gjërat në të cilat duhet të përqendrohemi”, ka thënë Stefanoviq, shkruan “Koha.net”.
Ai më tej ka thënë se Serbia momentalisht është vend që i zihet më shumë besë dhe të cilin tani e dëgjojnë më shumë se që e kanë dëgjuar më parë.
(el.sp/BalkanWeb)
