TIRANE- Akademia Amerikane e Pediatrisë, së fundmi ka kryer një studim për të parë se cila është ora më e përshtatshme që nxënësit të nisin mësimin, në mënyrë që truri i tyre të mos jetë i fjetur, por aktiv.
Muaji shtator është muaji kur prindër, mësues e nxënës mbi të gjitha, janë të angazhuar për fillimin e vitit të ri shkollor.
Përvec teksteve shkollore, metodologjisë së mësimdhënies, mënyrës se si duhet të edukohen drejt nxënësit në shkollë, duket se një problem përbën edhe e ngritura herët në mëngjes nga nxënësit.
Sipas rezultateve të Akademisë Amerikane të Pediatrisë, për moshën 10 vjeçare ora ideale kur ata duhet të nisin mësimin është ora 8 e mëngjesit. Ndryshe është për 16 vjeçarët, ku për ta mësimi duhet të fillojë mes orës 10 e 10 e 30 të mëngjesit. Ndërsa për 18 vjeçarët, dita e mësimit duhet të nisë në orën 11 e 30.
Këto rezultate kanë marrë parasysh ritmet biologjike të nxënësve, për të përcaktuar kështu një orë të saktë, ku mësimnxënia është më efikase. Rezultatet e studimit janë pasqyryar në “The Huffington Post” dhe pritet që kjo akademi të publikojë studime të tjera të kryera, që lidhen me individë nën 18 vjeç.
(ma.ar/BalkanWeb)
