Leo Messi nuk ka pasur sezonin më të mirë të karrierës së tij në Paris. Pothuajse një vit pas përfundimit të inkorporimit të tij befasues me PSG-në, ylli argjentinas ka vuajtur të përshtatet me futbollin gjithmonë fizik francez dhe gjithashtu ka përjetuar drejtpërdrejt eliminimin e dhimbshëm kundër Real Madrid në Champions.
Megjithatë, siç raportohet nga L’Équipe, argjentinasi ka vetëm një qëllim: të fitojë Champions League sezonin e ardhshëm. Mes një vale zërash për nënshkrimin e tij të mundshëm me Inter Miami në vitin 2023, ish-lojtari i Barcelonës vazhdon të përshtatet me qytetin e tij të ri dhe bashkëlojtarët.
Sipas gazetës franceze, Messi ka bërë miqësi me lojtarë si Verratti apo Marquinhos dhe madje ka mbetur i befasuar në dhomat e zhveshjes kur ka parë sesi Mbappé i drejtohet në spanjisht.
11 golat dhe 13 asistimet në 33 ndeshje janë larg 38 golave që ka shënuar në të gjitha garat në sezonin e tij të fundit te Barcelona. Sipas L’Équipe, Messi po pret me padurim ndryshimet që do të ndodhin në stol, pasi nuk është lidhur mirë me Pochettinon.
Shumë shtëpiak dhe i vëmendshëm ndaj familjes, Messi është mësuar të qëndrojë në shtëpi dhe pothuajse nuk është parë në rrugët e Parisit. Të enjten e kaluar ai doli për darkë me Paredes dhe Di María dhe festoi “Topin e Artë” të shtatë, por takimet zakonisht organizohen në shtëpi me miqtë e tij të besuar.
Tani stuhia është kthyer në qetësi dhe Messi mendon vetëm ta përballojë sezonin e ardhshëm në mënyrën më të mirë të mundshme. Por deri në fillim të gushtit ka kohë për shumë refkletime. Një gjë është e sigurtë, nga Messi pritet gjithnjë shumë.
(BalkanWeb)
