Stuhia më e fuqishme e Australisë në 12 vitet e fundit do të godasë kontinentin në të gjithë bregun perëndimor së shpejti duke prekur mijëra banorë.

Cikloni Isla do të godasë bregun perëndimor me erëra deri në 196 milje në orë, thonë meteorologët.

Stuhia tropikale është fuqizuar së fundmi nga Kategoria 4 në 5 dhe shpejtësitë e jashtëzakonshme të erës pritet të sjellin dëme.

Aktualisht stuhia është duke u përhapur në të gjithë Oqeanin Indian dhe pritet të ruajë nivelin shkatërrues ndërsa kalon bregun e Pilbara deri të premten, tha Byroja e Meteorologjisë e Australisë .

Ciklonet janë të zakonshme përgjatë zonës me popullsi të rrallë të Australisë Perëndimore dhe vdekjet janë të rralla, por autoritetet kanë ngritur shqetësime për ata që janë në rrugën e saj, me shumë banorë që janë evakuuar ditët e fundit.