Të paktën 11 persona janë vrarë dhe shtatë janë zhdukur në Filipine pasi një uragan i fortë u pasua nga shira të dendur që shkaktuan përmbytje dhe rrëshqitje toke.
Shirat e rrëmbyeshëm përfshinë që mbrëmjen e së hënës zona të tëra të ishullit më të populluar të arkipelagut Luzon para se qendra e stuhisë tropikale të shkonte drejt Detit të Kinës Jugore.
Gjashtë persona janë vrarë dhe dy të tjerë janë zhdukur në krahinën malore të Bengazit. Një burrë u mbyt në provincën bregdetare të Kagayan, tha Agjencia Kombëtare e Menaxhimit të Fatkeqësive.
Katër persona u vranë nga përmbytjet e shpejta në dy qytete në ishullin Palaëan në anën perëndimore të arkipelagut, ndërsa pesë persona janë ende të zhdukur, thanë zyrtarët.
Burrat e Rojës Bregdetare të përfshirë në operacionet e shpëtimit në dy qytetet gjetën tre trupa në provincën veriore të Ilokos Sur, por shërbimi i menaxhimit të fatkeqësive nuk mund të konfirmonte menjëherë nëse vdekjet ishin të lidhura me stuhinë.
(BalkanWeb)
