ELBASAN- Stuhitë e forta të shiut të regjistruara ditët e fundit në qarkun e Elbasanit kanë sjellë dëme të mëdha në kulturat bujqësore.
Erërat kanë qenë të një intensiteti tepër të lartë aq sa kanë rrëzuar qindra pisha në parkun e kodër-krastës dhe në periferinë e qytetit të Elbasanit.
Bashkia e Elbasanit njofton se ka përfunduar evidentimin e pasojave dhe aktualisht po punon për largimin e drurëve të rrëzuar, ndërsa zëvendësimi i tyre do të kryhet gjatë sezonit të pyllëzimit.
(ed.me/BalkanWeb)