Një ligj i ri ka hyrë në fuqi në Suedi, duke u dhënë ministrave fuqi për të mbyllur vendet, përfshirë dyqanet, palestrat dhe kinematë për herë të parë që nga fillimi i pandemisë.

Masat u votuan përmes parlamentit në Stokholm, pasi politikanëve ju kërkua që të ndërpresin para kohe pushimet dimërore, raporton BBC.

Nga fillimi i pandemisë, Suedia mori një qasje tjetër ndaj pjesës tjetër të Evropës me një fokus në udhëzimet vullnetare të hartuara për të zgjatur muaj më tepër sesa javë; në vend që të hyjnë e të dalin nga bllokimi.

Por ky ligj i ri lejon qeverinë të fusë masa shumë më të rrepta ndërsa vendi lufton me disa nga nivelet më të larta të infeksionit të coronavirusit në BE.

Ministrat kanë njoftuar tashmë një ndalim të më shumë se tetë personave në vendet e rezervuara të ndejave private – nga sallat e ngrënies në dhomat e përbashkëta në blloqet e apartamenteve.

Autoritetet lokale do të kenë fuqinë të gjobisin bizneset që nuk ndjekin rregullat, ose t’i detyrojnë ato të mbyllen.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: