RUSI– Katër persona kanë mbetur të vrarë dhe katër të tjerë janë plagosur si pasojë e një sulmi me armë në Rusinë jugore. Autori qëlloi në drejtim të turmës së njerëzve të cilët po ndiqnin një koncert në Rusinë jugore, në Dagestan.
Sipas “Russia Today”, e menjëhershme ka qenë ndërhyrja e forcave të sigurisë, të cilët qëlluan për vdekje autorin e sulmit.
Të shtënat janë shënuar në qytetin Kizlyar, në republikën e Dagestanit, siç raportojnë burimet lokale. Personi ende i paidentifikuar hapi zjarr në drejtim të turmës së njerëzve të cilët ishin mbledhur për një festë popullore.
Raportohet se personat e plagosur janë të gjithë civilë, dhe sapo ishin kthyer nga një shërbesë kishtare.
Sipas burimeve të “Interfax”, të cilëve i referohet “Russia Today”, të katër viktimat janë gra.
(el.sp/BalkanWeb)