Presidenti francez Emmanuel Macron ka dënuar ashpër sulmin me raketa të Rusisë në qendrën tregtare në Ukrainën qendrore, duke e cilësuar si një akt “të neveritshëm”.
Me një video të postuar në profilin e tij në Twitter, ku shihen pasojat e lëna nga sulmi raketor në Kremenchuk, Macron tha se populli rus duhet “të shohë të vërtetën”.
“Bombardimi i një qendre tregtare në Kremenchuk nga Rusia është një gjë e neveritshme. Ne ndajmë dhimbjen e familjeve të viktimave dhe zemërimin përballë një mizorie të tillë. Populli rus duhet të shohë të vërtetën”, ka shkruar ai.
Kjo thirrje e Macron-it ndaj popullit rus vjen si rrjedhojë e censurës së lajmeve të vërteta nga televizionet ruse dhe propaganda tejet e lartë pro-luftës.
Russia’s bombing of a shopping centre in Kremenchuk is an abomination. We share the pain of the victims’ families, and the anger in the face of such an atrocity. The Russian people have to see the truth:pic.twitter.com/7drortbGSE
— Emmanuel Macron (@EmmanuelMacron) June 27, 2022
