PRISHTINE- Ambasadori i Britanisë së Madhe në Kosovë, Ruairi O’Connell, ka reaguar lidhur me sulmin që iu bë sot bashkëshortes së ministrit në detyrë, Blerand Stavileci.

“Unë jam i tmerruar nga sulmi frikacak në Vitore Stavilecin. Shpresoj dhe jam i sigurt që fajtorët të kapen dhe të dënohen, kurse znj.Stavileci të rimëkëmbet shpejt”, ka shkruar në facebook O’Connell.

Sulmi u dënua edhe nga Partia Demokratike e Kosovës, dega në Prishtinë. Në reagimin e saj PDK tha se akti kriminal ishte bërë nga disa persona të cilët kanë kërkuar që Stavileci ‘të mos merret më me partinë Vetëvendosje’.
(ed.me/BalkanWeb)