Zëvendësministri i Jashtëm i Polonisë Marcin Przydacz është shprehur se sulmi me raketa ruse në një bazë ushtarake ukrainase pranë kufirit polka , i ndodhur ditën e djeshme , është një përpjekje për të ‘kërcënuar’ NATO-n.
Nga sulmi në bazën ushtarake të Ukrainës, rreth 20 km larg nga kufiri me Poloninë, humbën jetën të paktën 35 persona.
Në një intervistë për mediat e huaja, Przydacz tha se kjo lëvizje e Rusisë ishte një provokim i rëndë.
“Ata me siguri e dinin se kjo bazë ushtarake ishte e vendosur pranë kufirit polak. Ata e dinin çfarë po godisnin, pra donin të dërgonin në mesazh duke kërcënuar NATO-n”, ka thënë më tej ai.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
