Policia e Kosovës tha se një patrullë e saj kufitare është sulmuar në veriun e vendit, por sulmi ka kaluar pa pasoja në njerëz.

Sulmi ka ndodhur në fshatin Banjë të komunës së Zubin Potokut, një nga tri komunat e banuara me shumicë serbe në veriun e Kosovës.

Nga Policia e Kosovës thonë se sulmi i cili ndodhi mbrëmë shkaktoi dëme në makinën e policisë, ndërsa dy pjesëtarët e patrullës që ndodheshin në makinë në momentin e ngjarjes nuk kanë pësuar lëndime.

Daut Hoxha, zëdhënësi i policisë, tha se kanë filluar hetimet për zbardhjen e plotë të këtij incidenti, por ende nuk dihet asgjë për autorët e as motivet e mundshme të incidentit.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb