Vllaznia nuk ka falur në shtëpi duke mposhtur 4-0 Luftëtarin e parafundit dhe duke kompletuar misionin që kishte përpara takimit. Në “Loro Boriçi” ka vetëm një ekip në fushë, që me suksesin e ngjitur shkon në kuotën e 31 pikëve.
Serinë e golave e çel Sidorenko, që “peshkohet” në mënyrë të mrekullueshme nga Ramadani, teksa moldavi nuk fal para portierit.
Në pjesën e dytë Luftëtari përpiqet të reagojë, por Vllaznia i godet duke shënuar golin e dytë. Minuta e 69-të dhe Gligorov gjen saktë Zhuniorin në zonë, me këtë të fundit që realizon golin e rezultatit 2-0.
Sërish protagonist braziliani dy minuta më pas, duke detyruar Kukajn që të fusë topin në portën e tij më avantazhin 3-0 të Vllaznisë.
Por Zhunior është në një pasdite fantastike, pasi 9 minuta nga fundi i kohës së rregullt shënon golin e tretë personal dhe të katërtin për Vllazninë, duke vulosur përfundimisht takimin.
(Balkanweb)