Disa të mitur në Gjilan kanë shantazhuar vazhdimisht një vajzë, po ashtu të mitur, duke e kërcënuar se do t’ia publikonin një video intime të saj, nëse kjo e fundit nuk kryen marrëdhënie seksuale me ta.

Policia ka rënë në gjurmë, duke e arrestuar njërin në flagrancë, ndërsa dyshohet se janë edhe disa të tjerë të përfshirë në këtë ngjarje.

“Policia e Kosovës në vendin e ngjarjes, ku është lënë një vendtakim mes viktimës dhe personit të dyshuar është zënë në flagrancë dhe është arrestuar dhe pas intervistimit ai është liruar me procedurë të rregullt për shkak të moshës”, ka deklaruar Prokuroria.