Deputetja demokrate, Jorida Tabaku iu përgjigj kryeministrit Edi Rama lidhur me Kardhiq- Delvinë dhe Urën e Bunës.
Sipas saj me ndërtimin e Urës së Bunës, Shkodra del në plan të dytë.
“Unë nuk e shoh realitetin me sytë e vartësve. Për Kardhiq- Delvinë, një projekt i cili nisi me 5 miliardë dhe po përfundon me 6.5 miliardë është e papranueshme. Ura e Bunës është një projekt që e lë Shkodrën jashtë vëmendjes dhe çdo gjë e Shkodrës del në plan të dytë. Sot taksa e karburantit është 60% e çmimit. Ku shkojnë ato lekë? A shkojnë për mirëmbajtjen e rrugëve? Zero”, tha Tabaku.
Sipas saj “Sot për atë 430 milionë euro duhet të kishim dikë para drejtësisë. Nuk mund të vinin e të flisnin këtu pa asnjë ndjenjë faji për 430 milionë euro për të cilën një deputet dhe një ish ministër janë para drejtësisë”.
(BalkanWeb)