TIRANË
Pak minuta pas mbylljes së takimit rreth 60 minutësh, zbardhet biseda mes Presidentit të Republikës Ilir Meta dhe kreut të Kuvendit Gramoz Ruçi. E me sa duket në fokus kanë qenë zgjedhjet lokale dhe konkretisht data e tyre por jo vetëm
Sipas burimeve nga Presidenca, mësohet se Kreu i Shtetit Ilir Meta, me kërkesën e tij, zhvilloi sot një takim me Kryetarin e Kuvendit, Gramoz Ruçi.
Presidenti Meta e njohu Kryetarin Ruçi me konsultimet e zhvilluara prej tij për datën e zgjedhjeve të ardhshme lokale.
Gjithashtu, Presidenti Meta i bëri me dije Kryetarit Ruçi zhvillimin e procedurave transparente për të ftuar kandidatët, të cilët kanë paraqitur interesin për Kreun e Kontrollit të Lartë të Shtetit, me qëllim përzgjedhjen e një kandidati të përshtatshëm dhe me integritet për këtë pozicion të rëndësishëm.
(m.k/BalkanWeb)
