Nga Znj.Katerina
Përbërësit
800 gr krahë pule, 500 gr makarona, 1-2 kokrra qepë, 1-2 thelpinj hudhër, 1.2 litër ujë ose lëng mishi, 1 lgj gjalpë, 2-3 lgj vaj ulliri
Gjethe dafine, Kripë, piper
Përgatitja
Në një tavë vendosim krahët e pulës të cilat i kemi lyer me kripë, piper dhe pak gjalpë. I vendosim në furrë të nxehtë në temperaturën 200 gradë Celsius për rreth 30 minuta.
Në një tigan me pak vaj ulliri kaurdisim qepën dhe hudhrën të grirë imët. Pasi qepa të jetë zbutur plotësisht shtojmë makaronat dhe i kaurdisim për 2-3 minuta. Më pas makaronat me qepët i vendosim në tavën ku kemi krahët e pulës. Shtojmë dhe lëngun e mishit të ngrohtë dhe e rivendosim tavën në furrë për 25-30 minuta.