Kryetarja e Kuvendit, Elisa Spiroali ka uruar kandidatin socialist Vangjel Tavo përmes një postimi në rrjetet sociale pasi ai u shpall fitues i zgjedhjeve në Bashkinë e Himarës.

Spiropali shkruan se “populli i Himarës foli, zgjodhi, dëshmoi atë që dihej dhe pritej, një kulturë të lartë politike, qytetare e demokratike”.

Zgjedhjet e Himarës, thekson kryeparlamentarja dëshmuan standardet e një shoqërie demokratike të një vendi anëtar të NATO dhe që aspiron BE-në.

Postimi i plotë:

”Zgjedhjet në Himarë përfunduan. Populli i Himarës foli, zgjodhi, dëshmoi atë që dihej dhe pritej: një kulturë të lartë politike, qytetare e demokratike.

E rëndësishme është që fushata dhe procesi ishin të qetë, të rregullt, me standardet e një shoqërie demokratike të një vendi anëtar të NATO-s, që përparon me shpejtësi drejt BE-së, të një vendi lider në rajon, që konsolidon pareshtur vlerat dhe institucionet e demokracisë liberale.

Urime të përzemërta Kryetarit të ri të Bashkisë, kolegut dhe mikut Vangjel Tavo, për fitoren. Punë të mëdha të presin, i merituar Kryetar, për progresin dhe mirëqenien e njësive administrative Himarë, Lukovë dhe Horë-Vranisht, të të gjithë himarjotëve, pa dallim.

Përgëzime qytetarëve të Bashkisë Himarë për kulturën e lartë qytetare, tolerante, patriotike dhe demokratike’‘, shkruan Spiropali.

(BalkanWeb)