Qytetarët shqiptarë janë mbyllur nëpër shtëpi prej më shumë se dy javësh, për shkak të përhapjes së koronavirusit.

Askush nuk e di sa do të zgjasë kjo situatë, ndërsa qeveria vijon të përforcojë masat, që mund të ndihmojnë në ngadalësimin e virusit vdekjeprurës.

Të ndaluar për të dalë jashtë, shumica e qytetarëve kanë zgjedhur të shijojnë rrezet e diellit pranveror, këtë të hënë, në ballkonet e shtëpive të tyre.

Siç shihet në fotot që sjell LSA, qytetarët kanë mbushur ballkonet, në pamundësi për të dalë jashtë dhe vijuar jetën normalisht.

(BalkanWeb)