TIRANE– Busti i poetit martir Havzi Nela, vepër e skulptorit kuksian Ilmi Hoxha, u vendos sot në gjimnazin që mban emrin e tij në qytetin e Kukësit. Në ceremoninë e përurimit të bustit të organizuar nga bashkia e Kukësit ishin të pranishëm deputetë, prefekti i qarkut Zenel Kuçana, familjarë, qytetarë, etj.
Deputeti demokrat Ervin Salianji, i pranishëm në këtë ceremoni, thotë se “Vepra e tij duhet të mësohet në tekstet shkollore si pjese e veprave më të rëndësishme të shqiptarizmit”.
Përmes një postimi në rrjetin social “Facebook”, deputeti Salianji ndalet edhe në situatën ku ndodhet sipas tij vendi.
POSTIMI I PLOTE
“… te mos lexosh atë do të thotë të jesh shkelur nga shtypësi”
Sot për Kukësin dhe gjithë Shqipërinë është një ditë e veçantë dhe e rëndësishme, sepse me vendosjen e bustit të disidentit Nela, shoqeria vendos edhe një gur në përmendoren historike që ende duhet ti ndërtohet Havzi Nelës.
Është nderuar me titullin “Martir i Kombit”, mundet që të ndërtohen përmendore të tjera në gur të tij, por më e rëndësishme është skalitja ne mendjet e te rinjve. Havzi Nela duhet skalitur në mendjet e brezit qe do ndertoje te ardhmen, e të rinjve.
Vepra e tij duhet të mësohet në tekstet shkollore si pjese e veprave më të rëndësishme të shqiptarizmit.
Në këto momente ku Shqipëria është jo në diktatin e një regjimi të shpallur por e një regjimi të nëndheshëm të pushtetit kriminal, nen diktaton e autokracisë së qeverisjes me propagandë ekranesh, ajo që Kadare thotë për Havzi Nelën buçet:
“Havzi Nela eshte nje kembane qe ende bie për shoqërinë shqiptare. Te mos ta lexosh ate do te thote te jesh shkelur nga shtypesi.”
Ështe folur për qëndresën rezitencën e tij dhe të familjes së tij për të mos tradhëtuar besimet e tij, shumë pak është thënë që ai ishte një gjenial pikërisht sepse nuk kërkoi revolucion por reforma, kërkonte më cdo kusht ndryshimin dhe e dinte që vinte jo me revolucion.
Diku ai ka thënë; “….mendoj që Partia duhet së paku të lejojë lirinë e fesë pa le të vazhdojë socializmi…..”
Mënyra e tij drejt lirisë duke kërkuar ndryshim dhe hapje ishte gjenialitet.
Havzi Nela nuk ishte thjesht një poet, ai ishte disident, njeri me mendim të qartë dhe frazë të fuqishme.
(Balkanweb)