Nga një takim me mbështetës në Paskuqan, kryetari i Partisë Demokratike, Lulzim Basha, u ndal sërish tek dënimi i ish-agjentit të FBI-së, Charls McGonigal, duke theksuar se njëjtët njerëz që janë të lidhur me aferën e inceneratorëve, janë të lidhur edhe më aferën Rama-McGonigal.

Pjesë nga fjala:

Kjo është qeveria më e korruptuar në botë, arrin dimensione të paimagjinueshme. Të vërtetat që tha Arben Ahmetaj, për vete i përfshirë në këtë aferë publike, nuk mund të jenë thjesht dhe vetëm material për denoncime të natyrës mediatike apo politike. Ndaj siç e dini, PD ndryshe nga çdokush tjetër kemi dërguar në SPAK denoncimin e plotë, kallëzimin e plotë penal për të gjithë ata të përfshirë në këtë aferë me në krye të parin e qeverisë.

Të premten e kaluar Gjykata e Uashingtonit dënoi me 2 vite e 4 muaj burg ish-drejtorin e kundërzbulimit të FBI-së në Neë York. Është dënimi i dytë që merr. Dënimin e parë e mori para disa muajshm, 4 vite e 4 muaj e bashkë me këtë i shkon pothuajse 6 vite e gjysmë burg. Të parin e mori sepse kishte bashkëpunuar me një nga oligarkët më të afërt të Putinit dhe sënimin e dytë e mori sepse ka bashkëpunuar me Edi Ramën për të stisur një hetim të ndyrë, pjesë e luftës së ndyrë politike kundër opozitës, kundër Partisë Demokratike, kundër meje si kryetar i PD.

Me shumë prej jush shpesh, në formate pak më të vogla, e ka, ndjen brengën, revoltën tuaj. Ne demokratëve, me qëndrimet më të qarta në luftën kundër korrupsionit dhe në veçanti në raport me armiqtë shekullorë të interesave tona, po mundoheshin të na vishnin me zor një xhaketë të qepur kuturu me akuzat më të ndyra. Ishim ne që kërkuam hetimin e prokurorisë shqiptare që për dy vite jo vetëm që nuk faktoi asnjë nga shpifjet dhe baltat që u hodhën në drejtimin tonë, por i nxorri zbuluar si të pavërteta.

Tani nuk është vetëm kaq. Ajo që ndoshta që se imagjinonim dfot në 2018 apo 2019, duke e ditur se kishte duar që I lëviznin këto fije të padukshme për të nxirrë imazhin e PD, për të ndaluar një debat normal politik mbi çështjet që I interesojnë qytetarëve, u vërtetua shuma e paimagjinueshme dhe favore për të korruptuar një nga zyrtarët më të rëndësishëm të një vendi aleat, mik, partner strategjik. Drejtësia amerikane e ka thënë fjalën e saj, por ky nuk është fundi, është fillimi.

Apo për të thënë shprehej e famshme me të cilën e inaguroi këtë 11 vjeçar të kalvarit për shqiptarët, nuk ka parë gjë akoma. Nuk ka parë gjë akoma sepse të njëjtët njerëz që janë të lidhur me aferën e inceneratorëve, janë të lidhur edhe më aferën Rama-McGonigal. Ndaj është e qartë se gjendja në të cilën ndodhet vendi, ka këta përgjegjës dhe këta përgjegjës bëjnë gjithçka për t’i ikur përgjegjësisë. E po kapen kudo që munden për t’i ikur përgjegjësisë. Te PD nuk kapen dot. Synimi ynë është të jemi një shtyllë e fortë e mbështetjes politike dhe qytetare për SPAK-un, për BKH-n, për GJKKO-në. Ndaj nesër nuk do jemi në parlament, sikundër shpresoj që askush nuk do të guxojë të kthehet në një patericë të këtyre që nesër në parlament duan të falin shokët e tyre të dënuar për korrupsion, duan të ndalin hetimin e zyrtarëve që nuk i kanë deklaruar pasuritë e dyshimta të vëna në kurriz shqiptarëve.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb