Pedagogu i Universitetit të Politeknikut, Ismail Hoxha, ka reaguar në lidhje me protestën e kolegëve të tij për rritjen e rrogave.

Me anë të një postimi në Facebook, Hoxha ka publikuar një listë me pagat e pedagogëve në Kosovë, ku shtoi se të paktën pagat në vend duhet të jenë të paktën në nivelin e fqinjëve tanë.

“Greva e pedagogeve. Këto janë pagat e pedagogeve në Kosovë. Të paktën të arrijmë këtë standard”, ka shkruar ai.

Në listën e pagave vihet re se paga e një pedagogu shkon në rreth 1.500 euro.

Kujtojmë se pedagogët në vend kanë nisur prej kohësh protesta për shkak të pagave të ulëta. Ato kanë kërkuar që pagat të jenë më dinjitoze madje në protestën e sotme kanë kërcënuar me ndërprerje të mësimit.

(BalkanWeb)