Një person është vrarë dhe një tjetër është plagosur gjatë të shtënave nga një dyqan ushqimor në Uashington të SHBA-ve. Policia thotë se ka arrestuar të dyshuarin për këtë krim, të quajtur Aron Christopher Kelly.

Kelly akuzohet për vrasje të shkallës së parë dhe tentativë vrasjeje të shkallës së parë, tha policia e Richland në një deklaratë.

Kelly u mor në paraburgim në Interstate 90, midis Sprague dhe Spokane, më shumë se 100 milje nga Richland, tha policia. Ai u arrestua “pa incidente”, tha policia.

“Falënderojmë partnerët e shumtë të zbatimit të ligjit që bashkëpunuan shpejt për kapjen e tij”, citohet të ketë thënë policia në një deklaratë.
Policia e identifikoi viktimën si Justin Krumbah, 38 vjeç. Një tjetër viktimë e plagosur është shtruar në spital, tha policia.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb