E mërkura dhe e enjtja, janë cilësuar nga sinoptikantët si ditët më të nxehta të verës, ku në qarqe dhe zona të caktuara termometri do të shënojë 43 gradë celsius.
Për këtë arsye, plazhet e vendit janë “pushtuar” nga prezenca e turistëve si vendas dhe të huaj.
LSA sjell pamje ku shihet se çfarë ndodh në prag perëndimi në bregdetin e Adriatikut. Disa pushues, shihen teksa freskohen në det. Të tjerë shohin si mundësi shumë të mirë argëtimin në rërë, e për këtë shfaqen duke luajtur futboll.
Deti i qetë dhe pa dallgë, i ka lejuar disa pushues që të marrin kanoet dhe të lundrojnë në ujë.
Qielli i kuqërremtë, ‘shkrihet’ mjaft mirë me atmosferën në plazh, që duket e qetë në orët e fundit që plazhistët frekuentojnë detin e rerën, për t’ia lënë vendin më pas argëtimeve të mbrëmjes, me lokalet e shumta përgjatë vijës bregdetare të Adriatikut. Për më shumë ju ftojmë të ndiqni fotot e mëposhtme.
(BalkanWeb)