Presidenti i Republikës Sërpska Milorad Dodik, ka deklaruar se në lidhje me tensionet në veri të Kosovës, përgjigja e Republikës Sërpska do të jetë e unifikuar me atë të Serbisë.
Në një postim në Twitter, Dodik ka shkruar se ka diskutuar situatën me presidentin e Serbisë, Aleksandar Vuçiç dhe ka zbuluar se janë pajtuar që përgjigja e unifikuar e Serbisë dhe RS garanton mbrojtjen e popullit serb në Kosovë.
Ai shtoi se Republika Sërpska me të gjitha kapacitetet e saj qëndron pranë Serbisë në ruajtjen e sovranitetit të saj në përputhje me Rezolutën 1244 të Këshillit të Sigurimit të OKB-së.
“Jemi plotësisht të vetëdijshëm se jo vetëm kryeministri i Kosovës Albin Kurti qëndron pas gjithçkaje që po ndodh në Kosovë e Metohi, por edhe vendet e Quintit (Franca, Italia, Gjermania, Britania e Madhe dhe SHBA) dhe kjo tregon politikën e tyre hipokrite”, tha Dodik.
Данас сам разговарао с предсједником Србије @avucic о ситуацији на Косову и Метохији.
Република Српска свим својим капацитетима стоји уз Србију у очувању њеног суверенитета у складу с Резолуцијом 1244 Савјета безбједности УН-а.— Милорад Додик (@MiloradDodik) December 9, 2022
(BalkanWeb)
