Gjykata e Durrësit ka vendosur masën ‘arrest në burg’ ndaj tre personave pasi kanë tentuar të fusin lëndë narkotike dhe telefon në burg.

Bëhet fjalë për Denis Hoxhën, Ermir Avdija dhe Marius Plaku. Ndërkohë SH.K.B.B në bashkëpunim me Prokurorinë Pranë Gjykatës së Shkallës së Parë Durrës, pas një hetimi intensiv bëhet me dije se është arritur dokumentimi i plotë i veprës penale të parashikuar nga neni 324/a paragrafi 2 të Kodit Penal, e konsumuar nga këta tre shtetas.

Sakaq hetimet vijojnë për zbulimin e personave të tjerë të përfshirë dhe dokumentimin e plotë të veprës penale.

Njoftimi:

Shërbimi i Kontrollit të Brendshëm në Sistemin e Burgjeve, sot më datë 26.01.2023 në orën 14:30 ekzekutoi urdhrin e ekzekutimit të Prokurorisë Pranë Gjykatës së Shkallës së Parë Durrës, në zbatim të vendimit penal nr.45 datë 25.01.2023 të Gjykatës së Rrethit Gjyqësor Durrës, e cila ka vendosur caktimin e masës së sigurimit personal “Arrest me burgë“ parashikuar nga neni 238 të K.Pr. Penale, ndaj shtetasve Denis Hoxha, Ermir Avdija dhe Marius Plaku, si të dyshuar për veprën penale “Futja ose mbajtja e sendeve të ndaluara në institucionin e ekzutimit të vendimeve me burgim” e kryer në bashkëpunim, parashikuar nga neni 324/a paragrafi 2 të Kodit Penal.

Këta shtetas në bashkëpunim me njëri-tjetrin kanë tentuar të fusin sende të ndaluara lëndë narkotike dhe telefon celular në IEVP Durrës.

SH.K.B.B në bashkëpunim me Prokurorinë Pranë Gjykatës së Shkallës së Parë Durrës, pas një hetimi intensiv, me metoda speciale të hetimit, është arritur dokumentimi i plotë i veprës penale të parashikuar nga neni 324/a paragrafi 2 të Kodit Penal, e konsumuar nga shtetasit Denis Hoxha, Ermir Avdija dhe Marius Plaku.

Hetimet vijojnë për zbulimin e personave të tjerë të përfshirë dhe dokumentimin e plotë të veprës penale.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb