Të paktën 33 banorë të një fshati në Kosovë i janë nënshtruar analizave për COVID-19, ndërkohë që rezultati ka rezultuar negativ. Shtabi i Krizës Emergjente në Fushë-Kosovë bën me dije se bëhet fjalë për fshatin Miradi e Ulët.
Në njoftimin thuhet se Instituti Kombëtar i Shëndetësisë thuhet se këta persona i përkisnin rrethit familjar të tre të infektuarve me COVID 19.
“Ky është një lajm i mirë për banorët e këtij fshati, por edhe për të gjithë qytetarët e Komunës së Fushë Kosovës. Shtabi Emergjent në Fushë Kosovë, falënderon IKSH për veprimin e shpejt, në mënyrë që të sqarohet gjendja e rrethit social të të prekurve nga COVID 19. Njëherësh njoftojmë se gjendja e të prekurve është shumë e mirë dhe ata janë në përkujdesje të vazhdueshme”, thuhet në njoftim.
Aktualisht në Kosovë janë konfirmuar 125 persona me koronavirus, 10 prej tyre janë shëruar ndërsa një ka humbur jetën.