Është kryer sot testimi i identifikimit dhe votimit elektronik në kryeqytet. Testimi për votimin elektronik që do pilotohet në Njësinë 10 në Tiranë për zgjedhjet e 25 Prillit, rezultoi i realizueshëm.

Votuesi pasi tregon kartën e identitetit i drejtohet pajisjes elektronike ku me prekje voton në ekran partinë dhe kandidatit për deputet. Në rast gabimi, votuesi ka mundësi ta korrigjojë vetëm një herë.

Rezultati i votimeve në këtë zonë ku do votohet dhe numërohet elektronikisht do jetë i pari. Komisioneri shtetëror i zgjedhjeve Ilirjan Celibashi thotë se ende nuk ka vendim për publikimin e këtij rezultati në kohë reale.