Kreu i Partisë Demokratike, Lulzim Basha, ka reaguar pas lajmit se politikani kosovar, Kadri Veseli, është thirrur për t’u marrë në pyetje nga Gjykata e Hagës.
Basha shkruan në “Twitter” se askush nuk mund ta përdhosë luftën çlirimtare dhe sakrificën e popullit të Kosovës për liri e pavarësi. Sipas kreut të PD, Veseli dhe të gjithë bashkëluftëtarët e tij të thirrur nga Gjykata Speciale do t’i dëshmojnë sërish botës drejtësinë e kauzës së lirisë.
“Askush nuk e përdhos dot luftën çlirimtare dhe sakrificën sublime të popullit të Kosovës për liri dhe pavarësi. Kadri Veseli dhe të gjithë bashkëluftëtarët e tij të thirrur në Hagë do ti dëshmojnë sërish botës drejtësinë e kauzës së lirisë nga pushtimi dhe shtypja çnjerëzore”, thekson Basha.
(BalkanWeb)
