Milani zyrtarizoi pak orë më parë ndërprerjen e bashkëpunimit me drejtorin teknik Paolo Maldini. Klubi kuqezi dhe Maldini nuk kishin të njëjtat ide sa i takon merkatos dhe në këto kushte, palët e panë të arsyeshme të ndajnë rrugët.

Presidenca e klubit e konsideroi punën e drejtorit teknik si të pamjaftueshme, teksa prurjet e merkatos së verës nuk rezultuan të goditura. Në krahun tjetër, vetë Maldini kërkoi më shumë fonde, të cilat nuk erdhën…asnjëherë.

Tifozët duket se nuk janë dakord me këtë veprim te Presidentit Cardinale. Me t’u marrë vesh lajmi, disa tifozë kanë protestuar para Casa Milan, ku në një pankartë shkruhej: “Cardinale., çfarë dreqin po bën?!”

(BalkanWeb)