Nis shembja e Prestige Resort. Pa asnjë njoftim, asnjë dokument zyrtar, në paligjshmëri totale, IKMT fillon shembjen e resortit, teksa të pranishëm janë vetëm forcat e policisë, IKMT-së dhe zyrtarë shtetërorë.
Një tjetër sulm i paligjshëm i qeverisë ndaj biznesit dhe mediave në Shqipëri. Fadroma ka ndërhyrë duke shembur fasadën dhe ballkonin me pamje nga deti.
Fadroma e IKMT dhe policia, si dhe forcat genio kanë shkuar mëngjesin e sotëm pranë “Prestige Resort” në Golem duke terrorizuar pushuesit dhe punonjësit.
Policia ka nxjerrë me forcë pushuesit dhe punonjësit në shenjë hakmarrje ndaj politikës editoriale të News24, “BalkanWeb” dhe “Panorama”.
Policia ka shkuar në “Prestige Resort” herët në mëngjes pa paralajmërim me forca të shumta dhe kanë detyruar punonjësit të dalin jashtë. Nuk duhet se çfarë do të ndodhë, teksa situata është tepër e tensionuar.
Në perimetrin jashtë resortit është vendosur dhe një shirit të verdhë dhe nuk lejohet asnjë lëvizje.
Ky është një tjetër sulm pas atij të gushtit, ku IKMT ndërhynë duke prishur pishinat dhe duke shkaktuar tronditje të thellë te pushuesit, por edhe një pamje të shëmtuar për vendin.
