TIRANË-Pas drekës më deputetin dhe kolegun socialist Koco Kokëdhima, Tom Doshi ka zbutur tonalitetet për kreun e qeverisë. Në një sqarim që bën në rrjetin social, Facebook, Doshi thekson se reagimi i ashpër ka pasur si shkak, vetë ata, qytetarët që e votuan.

“Të nderuar bashkëqytetare, e shikoj të arsyeshme që përballë jush të komentoj reagimin tem karrshi kryeministrit dhe qeverisë. Un jam deputet i kuvendit, por mbi të gjitha jam përfaqësues i bashkeqytetareve të mi. Premtimet e dhëna janë detyre jonë për tu mbajt dhe unë bëj pjesë në grupin e politikanëve që premtimet i japin sepse ne qeverisje duan ti shikojne te realizuara. Nuk ndaj asnjë interes personal për reagimin sepse të gjithë e dinë që anën personale unë e kam pas te mire menaxhuar perpara se te behesha pjese e politikes. Unë kam nevojë që t’ju shikoj drejt ne sy ju qe me besuat dhe ndaj jam i gatshem gjithmone qe te reagoj. Me shume respekt dhe mirenjohje Tom Doshi”

Një ditë më parë, Tom Doshi deklaroi se lufta mes tij dhe kryeministrit sapo ka filluar. “Nuk ka paqe”, tha ai ndërsa e etiketoi Ramën si bukëshkelës dhe mosmirënjohës.
Pas deklaratave të ashpra, Doshi drekoi me Koco Kokëdhimën. Ky i fundit e shpjegoi reagimin e Doshit, thjesht si një moment gjaknxehtësie.

(d.b/BalkanWeb)