17 gola në 16 ndeshje, Robert Lewandowski vijon të bëjë “bomberin” edhe në Spanjë. Sulmuesi polak është përshtatur në mënyrë perfekte me skuadrën e tij të re, Barcelonën, por nga rendimenti i tij përfiton edhe Bayern Munich. E përditshmja gjermane Bild ka zbuluar se në kontratën që Lewandowski firmosi me Barcelonën ekziston një klauzolë që mund t’i sjell miliona ekipit të Bayern.
Nëse Leva arrin kuotën e 25 golave sezonal atëherë Bayern do të përfitojë 1,25 milionë euro.
Me këto shifra që ka deri më tani, Lewandowski pritet që t’i sjell shumë shpejt Bayern disa miliona më shumë. Kujtojmë që Barcelona pagoi 45 milionë euro për të siguruar kartonin e tij.
(BalkanWeb)