Nga Zonja Katerina
Përbërësit
8 bukë tosti, 10 feta djathë, 10 feta proshutë, 4 kokrra vezë, 2 gota qumësht, 1 lugë gjalpë, Kripë, piper, arrë moskat, Rigon, rozmarinë.
Përgatitja
Lyejmë një tavë me pak gjalpë dhe vendosim 4 feta buke. Mbi çdo fetë buke vendosim nga një-dy feta proshutë dhe djathë. Vendosim 4 fetët e tjera të bukës. Dy feta djathi dhe proshute i presim në kubikë të vegjël dhe i hedhim mbi fetat e bukës.
Rrahim vezët me qumështin dhe me erëzat. Masën e përgatitur e shtojmë në tavën ku kemi vendosur bukët e tostit. E lemë të pushojë për 10 minuta sa qumështi të perthithet nga bukët e tostit dhe më pas i vendosim në furrë të nxehtë në temperaturën 200 gradë Celsius për 20-25 minuta.